Posts Tagged ‘Facebook’

მცველის “დაცვა” ანუ რატომ ატყდა ისტერიკა?

უკვე რამდენიმე დღეა, რაც პოლიტიკოსები თუ მათთან გათანაბრებული პირები ეროვნულ-სარწმუნოებრივმა ისტერიკამ მოიცვა. ვიღაც ქუდზე კაცის გამოძახებას ითხოვდა,მავანი შურისძიებით იმუქრებოდა, ზოგი უკვე შეკრების ადგილს არჩევდა, ნაწილმა კი პარლამენტის წინ აქციის გამართვაც მოასწრო. ყველა გამომსვლელი ეკლესიის დაცვისა და სარწმუნოების ზრუნვისკენ მოუწოდებდა ხალხს.

მართლმადიდებლობაზე ზრუნვისათვის რაიმე აქციისა თუ ღონისძიების გამართვა ვერავითარ კრიტიკას ვერ უძლებს, რადგანაც ეკლესია თავად არის უფალ იესოს მიერ დაარსებული კრებული, რომელიც აქეთ გვიცავს და მას სასუნთქ აპარატზე შეერთებული პოლიტიკოსების დაცვა არ ჭირდება. პოლიტიკოსებისა, რომლებიც ხშირ შემთხვევაში მხოლოდ კამერების თანხლებით დადიან ეკლესიაში.

ეკლესიას დაცვა არ უნდა, ეკლესია უნდა გავაძლიეროთ ჩვენი მასში ყოფნით, საიდუმლოებებში მონაწილეობითა და ეკლესიის არაწევრი ადამიანებისთვის იმის ჩვენებით, რომ ეკლესიური ადამიანი არის, ან ცდილობს იყოს სიყვარულით და სიკეთით აღსავსე პიროვნება.

გარდა ამისა წმიდა მოციქულთა 39-ე კანონი – „მღვდლები და დიაკვნები ნურაფერს გააკეთებენ ეპისკოპოსის ნებართვის გარეშე“ ლაოდიკიის კრების 57-ე კანონი – „ასევე მღვდელმა არაფერი გააკეთოს თუ ეპისკოპოსს არ აცნობებს“ გვასწავლის, რომ ეპისკოპოსის ნებართვის გარეშე არავითარი მნიშვნელოვანი ღონისძიების წარმართვა არ შეიძლება. ნეტა იმ მომიტინგეებს, რომლებიც აქციებითა და ჯვაროსნული ომებით იმუქრებიან რომელი მეუფისგან აქვთ კურთხევა? და რადგან ჩვენ მცხეთა-თბილისის ეპარქიაში ვიმყოფებით ასეთი კურთხევის გაცემა მხოლოდ პატრირქს შეუძლია, მის უწმიდესობას კი მსგავსი არაფერი უთქვამს. პირიქით, პროტოპრესვიტერი გიორგი ზვიადაძის მიერ გავრცელებულ განცხადებაში ეწერა, რომ „ეკლესია არასოდეს წასულა წინააღმდეგი და ყოველთვის მხარს უჭერდა საქართველოში არსებული სხვა რელიგიებისადმი სტატუსის მინიჭებას.“

Advertisements

სტუდენტები არჩევანის ზღვარზე

რამდენიმე დღეა თბილისის სახელმწიფო უნივერსიტეტში სტუდენტები პროტესტს უცხადებენ, თავადაც არ იციან რას. ლიტერატურის ქართულ ენაზე თარგმნა, ის რამაც პროტეტესტს დაუდო სათავე აღარავის ახსოვს და მოვლენები სულ სხვა მიმართულებით განვითარდა.  უნივერსიტეტის II კორპუსის წინ შეკრებილი სტუდენტები მოითხოვდნენ შემწყდარიყო განსხვავებული აზრის გამო თვითმმართველობის წევრების მიერ სტუდენტებზე ფიზიკური ანგარიშსწორება. მოითხოვდნენ, მაგრამ ვისგან თავადაც არ იცოდნენ ან იცოდნენ და განზრახ ჩადიოდნენ პოპულისტურ ქმედებებს, რომლებსაც არანაირი შედეგი არ მოჰყოლია და ალბათ არც მოჰყვება.

მოძალადეების დასჯა სამართალდამცავების პრეროგატივაა და ის არ შედის თვითმმართველობის კომპეტენციაში. თუ გცემეს ან შენს ფიზიკურ არსებობას რაიმე სახის საფრთხე ემუქრება პოლიციაში უნდა დარეკო და მათგან მოითხოვო საჭირო ზომების მიღება, თუ სამართალდამცავები განცხადებას წარმოებაში არ მიიღებენ მხოლოდ ამ შემთხვევაში ექნება ქუჩაში გამოსვლას აზრი. მთელი ამ დროის განმავლობაში, ვერც ერთმა ნაცემმა სტუდენტმა ვერ ახსნა თუ რატომ არ გამოიძახეს საპატრულო პოლიცია, “ფეისბუქზე” მათი პოსტების კითხვისას კი აღმოვაჩინე, რომ ერთ-ერთი დაზარელებული არ ენდობოდა სამართალდამცველებს, რადგან მათ არ დაიცვეს დევნილები, არ დაიცვეს ვეტერანები და მასაც არავინ დაიცავდა “ნაც-მოძრაობის” ახალგაზრდა   წევრებსგან.

მსგავსი განცხადებები საფრთხეს უქმნის პროტესტანტთა მოძრაობას და თვითმართველობის წისქვილზე ასხამს წყალს. თავიდან, რომ ავიცილო ჩემი მიკუთვნებულობა გამცხადებლთან (და ამის შესაძლებლობა არის, რადგან პირველივე დღიდან ერთ ძალიან დიდ და ძალიან ჭრელ ბანაკში ვართ) ვახდენ ჩემი ხედვის დეკლარირებას.

1) თუ თვითმმართველობის წევრები ახდენენ სტუდენტებზე ანგარიშსწორებას მათ წინააღმდეგ სარჩელი უნდა შეიტანო, თვითმართველობა არ არის ვალდებული დასაჯოს კრიმინალები. თუ “რესპუბლიკური” საავადმყოფოს ექიმი ქუჩაში გამვლელს სცემს, გამვლელმა აქციები “რესპუბლიკური” საავადმყოფოს წინ, ექიმის გათავისუფლების მოთხოვნით არ უნდა ჩაატაროს.

2) უნდა მოხდეს სტუდენტთა მოთხოვნებისა და მიზნების დეკლარირება, რათა თავიდან იქმნას აცილებული გარკვეული ჯგუფების მიერ სტუდენტებით მანიპულირების მცდელობა. ჩემთვისაც კი, რომელიც ამ მოვლენების დაწყების დღიდან ყველა გადაწყვეტილების საქმის კურსში ვარ, უცნობი რჩება მოძრაობის მიზნებიც და საშუალებებიც. ადვილი წარმოსადგენია თუ რაოდენ ძნელი მისატანია ჩვენი სათქმელი საზოგადოების ყურამდე.

3) სტუდენტური თვითმმართველობა წარმოადგენს კარგად ორგანიზებულ სტრუქტურას, განსხვავებით იმათგან ვინც მათ ვუპირიპირდებით. საჭიროდ მიმაჩნია, შეიქმნას სტუდენტთა წარმომადგენლობითი ორგანო ან ალტერნატიული თვითმართველობა, რომელსაც ეყოლება არჩეული ლიდერი. ამით ნეიტრალურ სტუდენტს მიეცემა არჩევანის გაკეთების საშუალება და დასრულდება თვითმართველობის მონოპოლისტობის ეპოქა.

4) დაპირისპირების დაწყების პირველივე დღეს სტუდენტებს ვთხოვე შეგვესწავლა “კმარას” გამოცდილება, სამწუხაროდ სტუდენტთა რაღაც ნაწილს თეა თუთბერიძე კვლავ ბუად წარმოუდგენია და ჩემი ეს შეთავაზება მაშინვე იქნა უარყოფილი, ამავე დროს, მათ ნაწილს წარმოუდგენლად ეჩვენება კონკურენცია გაუწიოს თვითმართველობას, რომლის ბიუჯეტიც 550 000 ლარს შეადგენს. სწორედ ასეთი შიშების თავიდან აცილებისთვის ვთხოვე მათ გადაეხედათ “კმარას” გამოცდილებისთვის. თუ მოძრაობა “კმარა” ქვეყნის პოლიტიკაზე ახდენდა გავლენას, ყოველგვარი სახელმწიფო დაფინანსების გარეშე, რატომ არის შეუძლებელი სტუდენტთა მოძრაობამ უნივერსიტეტის პოლიტიკაზე მოახდინოს გავლენა? 

ალტერნატიული მმართველობის ჩამოყალიბების შემთხვევაში ის ღია უნდა იყოს ყველა სხვა ინსტიტუტის მიმართ, რომელიც დააკმაყოფილებს მის მიერ დეკლარირებულ ღირებულებებს.

პასუხის პასუხი “ლიბერალის” ჟურნალისტის ცილისწამებაზე

სიმართლე გითხრათ ძალიან მიჭირდა ამ თემაზე სერიოზულად საუბარი, რადგან საკითხი იმდენად ნათელი და ყველასთვის გასაგებია არ მეგონა თუ დამატებითი განმარტებების გაკეთება მომიწევდა, თუმცა დღეს დილით  “ლიბერალის” საიტზე, რომელიც პრეტენზიას გამოთქვამს მაღალ ჟურნალისტურ სტანდარტებზე, გამოქვეყნდა გიორგი კიკონიშვილის პოსტი, რომელიც შეიძლება ჩაითვალოს ჟურნალისტური ცილისწამებისა და სიცრუის ეტალონად.

პოსტის დასაწყისშივე მოყვანილია ციტატა,რომლის ინტელექტუალურ საკუთრებასაც ავტორი მე მაბრალებს. უნდა აღინიშნოს რომ მსგავსი რამ მართლაც დავწერე, Facebook-ზე, გიორგი კიკონიშვილის კედელზე, თუმცა იქვე მეწერა რომ ეს ფრაზა ეკუთვნოდა ცხონებულ ბაბუაჩემს. კარგი კაცი იყო ბაბუაჩემი თუმცა კომუნისტური იდეოლოგიით აღზრდილი და მასების ნება უზენაესად მიაჩნდა, მე კი არსად მითქვამს რომ კარლ მარქსის შეხედულებებს ვიზიარებ და კიკონიშვილმაც მშვენივრად იცოდა რომ მე და ბაბუაჩემი ერთი და იგივე პიროვნება არ ვართ, თუმცა ალბათ ჩათვალა, რომ ჩვენს ოჯახში სუბორდინაცია მკაცრად არის დაცული და მე უფროსების აზრებს უაპელაციოდ ვიღებ. “ლიბერალის” ჟურნალისტის საქციელი შეიძლება შევადაროთ იმ ადამიანების ქმედებას, რომლებმაც გიგა ზედანიას მარქსისტობა დასწამეს, დავით პაიჭაძის გადაცემაში გამოთქმული აზრის გამო (რაღა დროს მარქსია (c) ილია II) თუმცა ამ შემთხვევაში საქმე ბევრად უფრო მძიმეა, რადგან სტატიის ავტორი, სრულიად შეგნებულად, სხვის სიტყვებს მე მაბრალებს (ის სხვა თუნდაც ბაბუაჩემი იყოს).

სწორედ ამ ფაქტს მოყვა ჩემი კომენტარი, რომ ქართული ჟურნალისტიკა ტრაკშია, აქამდე არც “რუსთავი2” და არც “იმედი” არ ცვლიდნენ ფაქტებს, მხოლოდ  მათ ინტერპრეტაციას ახდენდნენ მათვის სასურველ კონტექსტში, ჟურნალმა “ლიბერალმა” კი ფაქტის დამახინჯება მოახდინა, რაც პირდაპირი დარღვევაა ჟურნალისტიკის პრინციპებისა და წარმოადგენს ცილისწამებლურ ქმედებას.

გავყვეტ სტატიის ტექსტს.

მეორე ხაზზე მოყვანილი აქვს ჩემი მეგობრის ციტატა, რომელიც ამბობს, რომ გიორგი კიკონიშვილის განმარტება სიტყვა “ქსენოფობიაზე” არ არის ადექვატური მასაში მის აღქმასთან.  ამის გამო სტატიის ავტორს გაკრიტიკებული ჰყავს ამ სიტყვების მთქმელი, რადგან საზოგადოება ასე არ აღიქვამს სიტყვა “ქსენოფობიას” ეს იმას არ ნიშნავს რომ მეც ასე უნდა გავიგოო.

ამას ყურადღებას არ მივაქცევდი რომ არა, ღრმადპატივცემული კიკონიშვილის, ტოტენჰოტური ლოგიკა. (ტოტენჰოტი არის აფრიკის ტომის სახელწოდება, რომელთა კრედოსაც წარმოადგენს “თუ მე წავართვი სხვას ცოლი კარგია,თუ მე წამართვეს-ცუდი”) სტატიის დასაწყისში ავტორი გამოდის მასობრივი აღქმის წინააღმდეგ, ბოლოს კი საზოგადოებაში არსებული სტეორეოტიპისა და ამავე მასობრივი აღქმის გამო აკრიტიკებს კონფორმისტებს. საქმე ან შინაგან წინააღმდეგობასთან ან უცოდინრობასთან ან კიდევ გააზრებულ დემაგოგიასთან გვაქ, ალბათ დამეთანხმებით,რომ პირველიც, მეორე და მესამეც დასაგმობია.

რადგან გიორგი კიკონიშვილი არ იზიარებს და არ ეთანხმება ხალხში მიღებულ დეფინიციას და მოითხოვს მის უფრო ღრმა ანალიზს,  ვთხოვ ნუ გამოიჩენს ორმაგ სტანდარტებს და სიტყვა “კონფრომისტიც” გამოიყენოს დადებით კონტექსტში (მის სტატიასა და კომენტარებში კი ამ სიტყვას უარყოფითი დატვირთვა აქვს). მხოლოდ ხალხში მიღებული შეხედულებით არის “კონფორმისტი” უარყოფითი შინაარსის მატარებელი, მისი ზუსტი, სოციალოგიური დეფინიცია კი,რომელიც მელტონმა მოგვცა,გულისხმობს ჯანსაღ საზოგადოებას,რომელიც ვერ იარსებებს კონფორმიზმის გარეშე, რადგან კონფორმიზმი მხოლოდ და მხოლოდ ნიშნავს  კანონებისა და კონსტიტუციის ერთგულებას (თუმცა გიორგი კიკონიშვილმა თავადვე თქვა რომ არ უყვარდა სოციოლოგიის ლექციები,სადაც მსგავსი რამ უნდა ესწავლა, არ იყო საჭირო რომ ეს აღენიშნა, ისედაც ეტყობა)

შემდეგი ბრალდება იყო, თითქოს მე ავარიდე თავი დებატებს-ეს არის ტყუილი, რადგან თითქმის მთელი დღის კამათის შემდეგ მე ვერ მივიღე პასუხი ელემენტარულ კითხვაზე, არის თუ არა თბილისის “დინამოს” დონეზე ითამაშა ფეხბურთი, ქსენოფობიური სამტრედიის “ლოკომოტივის” მიმართ? არის თუ არა გამოთქმა ევროსტანდარტებს გაუთანაბრდა ქსენოფობიური არაევროპული სახელმწიფოების მიმართ? ცოტა ხანში კი Facebook-ზე დამბლოკა, საზოგადოებამ გადაწვიტოს ვინ გაურბის დებატებს ის, ვისაც ბლოკავენ თუ ის, ვინც დაბლოკეს?

ადამიანი,რომელიც მე მაკრიტიკებდა “ბირჟის” ინსტიტუტის დისკრედიტაციაში (თუნდაც დაბა ჩხოროწყუს ბირჟის ან ელიავას, რა მნივნელობა აქვს) თვითონ უწევს დისკრედიტაციას თბილისის სახელმწიფო უნივერსიტეტს და ამის ერთადერთი გასასამართლებელი არგუმენტი მისი პირადი დაკვირვებაა.

ბოლოს რაც გიორგი კიკონიშვილმა დამაბრალა ის იყო,რომ მე მიხაროდა ჩემს ბლოგზე ვიზიტორთა დიდი რაოდენობა,რაც ბოლო რამდენიმე კვირის განმავლობაში აღინიშნება. მაპატიე ბატონო გიორგი რომ ვიჩენ ადამიანურ სისუსტეს და მიხარია 🙂

პოსტის ბოლოს კვლავ ვიმეორებ, ერთადერთი რის გამოც კიკონიშვილის სტატიას ყურადღება მივაქცია, იყო ის რომ გამოქვეყნდა ჟურნალ “ლიბერალის” საიტზე. “ლიბერალს” ვურჩევ გადაამოწმოს მასალები მანამ სანამ გამოაქვეყნებდეს.

SUCKართველო on my mind

მრავალგზის წაგებულ და უამრავი ცოდვით დამძიმებულ სახელმწიფოს არა აქვს ნება და არც უნარი მოახდინოს საზოგადოების მოდერნიზაცია.

კოვბოის თავხედობით აღშფოთებული ულაყივით ხტუნავს ქართული საზოგადოება, თუმცა გასარკვევია ვინ ვის წვრთნის, მემარცხენეები მემარჯვენეებს თუ მემარჯვენეები მემარცხენეებს, მორწმუნეები ათეისტებს თუ ათეისტები მორწმუნეებს, ახლები ძველებს თუ ძველები ახლებს, ჰომოფოფები გეებს თუ გეები ჰომოფობებს…

თუმცა  SUCKართველოში, როგორც ყველაფერი იდეოლოგიებიც დამახინჯებულია, ქართულ ლიბერალიზმს თვით მშობელი მამა ვერ იცნობს. არ მინდა ისეთი ქვეყანა სადაც ნეოლიბერალიზმი “ილია II კაგებეშნიკის” ძახილს ნიშნავს, მემარცხენეები კი ეკლესიების ნგრევით გვემუქრებიან.

არ მინდა ვიყო ისეთი ქვეყნის მოქალაქე, რომელშიც “მამაოს შეუცდომლობის დოქტრინა” სუფევს, ცხოვრებაზა გაბრაზებულები კი თავს ათეიზმის ქოლგას აფარებენ,რომელიც ესე ფართოდ არის გაშლილი ვირტუალურ სივრცეში ( რეალურში გაშლი და ისაკაძე უკანვე გაგთხრის )

არ მინდა ისეთ ქვეყანაში, სადაც ჟურნალისტები უცხო სახელმწიფოს მოქალაქეზე ვარაუდებს გამოთქვამენ,თუ რამდენ სანტიმეტრიანი ფალოიმიტატორი ედო პირში და ამის გამო მის კომპეტენციას პედაგოგიკაში ეჭვქვეშ აყენებენ. SUCKართველო არის ქვეყანა სადაც არ არსებობს გეი კულტურა,თუმცა მძვინვარებს ჰომოფობია.

მთელი ერი ერთხმად აღშფოთდა, როდესაც შეერთებულმა შტატებმა უარი თქვა სიტყვებზე “დედა” და “მამა” ეს საკითხი კვლავ დაბა ჩხოროწყუს ბირჟის დონეზე განიხილეს და აქცენტები იმაზე კი არ გაკეთდა რამდენად უაზროა მშობლების დანომვრა (თუნდაც იმიტომ რომ ძნელი გასარკვევია ვინ არის #1 და ვინ #2) არამედ ვიხილეთ გურჯული წიაღსვლები, თუ როგორი “არასრულფასოვანი’ იქნება არაჰეტეროთა ოჯახში გაზრდილი ბავშვი, საქართველოში ხომ სრულფასოვნების ეტალონები გვყავს, მხოლოდ ახალგაზრდა ბიჭი რად ღირს, რომელიც დღეში რამდენიმეჯერ ჟიმავს საკუთარ დედას ვერბალურად, აღარაფერს ვამბობ ქართველ გოგონებზე,რომლებიც სექსის გამო თხოვდებიან და ქმრისგან მათ ცემას სიყვარულის გამოვლინებად თვლიან. მე არ მინდა ასეთ ქვეყანაში.

კიდევ რამდენი კუნტრუშ-შლიგინი დასჭირდდბა ულაყს დასამშვიდებლად, ჩორთზე გადასასვლელად და შედეგად სასარგებლო ძალად გადასაქცევად,არავინ იცის.

მანამდე კი, ღმერთო დალოცე ამერიკა!

ექსკლუზიური რეპორტაჟი,ლადო სადღობელაშვილი არ იკბინება

სოციალური მედიის ბევრი წარმომადგენელი ფიქრობს, ლადო სადღობელაშვილზე ლაპარაკი,ყოველგვარი შესავლის გარეშე,მისივე ლანძღვით უნდა დაიწყო,თუ იუმორიც გიჭრის ხომ მთლად კარგი,შენს პოსტს Facebook-ზე რამდენიმე მეგობარი გაიზიარებს და მთელი დღე გულიანად შეგეძლება “იკაიფო,” მთავარია ეგ პოსტი თვით ლადომ არ ნახოს თუ არა გინება იცის და ცუდია.

ლადო და ლიბერელები,ეს ორი სუბიექტი მთლიანობაში ზუსტად ასახავს ბოლო წლების თბილისური ცხოვრების მთავარ ტენდენციებს. საზოგადოების ერთი ნაწილი უკიდურესად კონსერვატიულია, ყოველგვარი სიახლისთვის და არჩევანისთვის ჩაკეტილი. მეორე ნაწილი კი უკიდურესად ლიბერალურია, იმდენად უკიდურესად, რომ სადღობელაშივი ერთგვარ სტიგმად იქცა,თუ რამე “გადაბრუნებული” თქვი მაშინვე მოგაკერებენ იარლიყს “სადღობელაშვილის მომხრე!” რაც ფაშისტსა და გოიმს ნიშნავს.

აბა რას მივაწერო ის რომ,ლადო სადღობელაშვილის არასამთავრობოს “მამული ენა სარწმუნოების” პრეზენტაციაზე არც ერთი სოციალური მედიის (რაც თავის თავში ლიბერალებს გულისხმობს) წარმომადგენელი არ ყოფილა?რატომ გაუშვეს უნიკალური შანსი პირისპირ შეხვედროდნენ,კითხვები დაესვათ და შეკამათებოდნენ მათ მთავარ “გუდიან კაცს” შაშკინის შემდეგ? სწორედ ეს არის სამოქალაქო ჟურნალისტიკის ერთერთი მთავარი ფუნქცია,ასახოს ის,რაც იმდენად მნიშვნელოვანი(?) არ არის,რომ ცენტრალური ტელე-არხების ეთერში მოხვდეს.

ლადო სადღობელაშვილის ორგანიზაციის პრეზენტაციაზე ერთერთი არასამთავრობოს წარმომადგენელის სტატუსით მივედი,თუმცა დარბაზში შესვლისთანავე მივხვდი რომ ეს ამბავი ჟურნალისტებისა და მათთან გათანაბრებული პირების მიერ უყურადღებოთ იქნებოდა დატოვებული,ამიტომაც გადავწყვიტე გამეკეთებინა ის,რისთვისაც ბლოგი და სამოქალაქო ჟურნალისტიკა არის მოგონილი,დარბაზში მყოფთს უკვე წყაროდ აღვიქვამდი.

სულ 16 ადამიანი იყო,მათ შორის მე,ჩემი მეგობარი,რომელიც სრულიად შემთხვევით მოხვდა ამ გაუგებრობაში და ეკა ბესელიას წარმომადგენელი,მან დარბაზი შეხვედრის დაწყებამდე დატოვა.

მთავარმა გმირმა,ჩემდა გასაოცრად,მაშინვე მიცნო,ხელი ჩამომართვა და დაიწყო…დაიწყო,მაგრამ რა დაიწყო…თუ შეხვედრაზე წარმოთქმული სიტყვის კონტენტ-ანალიზს ჩავატარებთ,მივიღებთ რომ ყველაზე ხშირად ნათქვამი სიტყვები იყო: მამაო,მართ(ლ)მადიდებელ მშობელთა კავშირი, ბუდას ქანდაკება და უწმინდესი და უნეტარესი.

თავი პოლიტთეოლოგთა ყრილობაზე მეგონა,ნუთუ ძნელი გასაგებია,რომ რელიგია პოლიტიკა არ არის! მითუმეტეს, ქრისტიანობა არ არის პოლიტიკა. სახარებაში არ არის არც ერთი პოლიტიკური ლოზუნგი, სწორედ ამის გამო არ მიიღეს ებრაელებმა ქრისტე და მისი მოძღვრება, რადგან იესომ პოლიტიკაში ჩარევა არ ისურვა. ლადო კი მაინც ჯიუტად განაგრძობდა,24 დეკემბერს დაგეგმილ აქციაზე მამაოები შემოგვიერთდებიანო.

რა კარგი სანახავი იქნებოდა ბლოგერების კამათი ამ თემაზე სადღობელაშვილთან,თუმცა,ჩემთვის გაუგებარი მიზეზების გამო, იქ მხოლოდ მე ვიყავი (თუმცა ესეც საკმარისი იყო ლადოს დისკომფორტი რომ ეგრძნო) ალბათ  სწორედ ასეთ სიტუაციას უწოდა ია ანთაძემ ქაჯოდევოკრატია.

ჩემთვის მიუღებელია მოწოდებები “მართ(ლ)მადიდებლური ძალადობის” შესახებ,რაც იქ არაერთხელ გაისმა, მიუღებელი ანტაგონიზმი უცხოური კულტურის მიმართ, მიუღებელია მოფაშისტო ორგანიზაცია მმკ(ლადო სადღობელაშვილი კი ღიად აფიქსირებდა სიმპატიებს მართ(ლ)მადიდებელ მშობელთა კავშირის მიმართ) ჩემთვის მიუღებელია! და სწორედ ამიტომ ვიყავი იქ,ამ თემებზე მესაუბრო და ჩემი აზრი ცივილიზებული გზით გამომეხატა,დამემტკიცებინა ლიბერალიზმის უპირატესობა,მაშინ როდესაც ლიბერალიზმის ქართველი მამებს facebook-ზე ლადო სადღობელაშვილის დაბლოკვით ჰგონიათ რომ პრობლემა მოიხსნა,არა და ლადო მაინც არსებობს,მის აზრს ბევრი იზიარებს და სირაქლემას პოზიციაში თავის ჩაყენება ყველაზე იოლი თუმცა გაუმართლებელი მდგომარეობაა. ვიკამათოთ Facebook-ის ფარგლებსგარეთ,იქნება და არ ვკლვათ ერთმანეთს

ძველები V.S. ახლები,კონფლიქტი ინტერნეტ-სივრცეში

უკვე რამდენიმე დღეა, სოციალურ ქსელებში, ჩემი მისამართით, გაისმის ბრალდებები.

ახალგაზრდული წესრიგი

ბევრმა უკვე ორი აგური დაიკავა ხელში ჩემსავით მოაზროვნე ახალგაზრდების გამო,ზოგმაც ყბადაღებული კომენტარი დამადევნა “გვეშველება რამე?” და რეცეპტად ლოცვის გაძლიერება და ეკლესაიში სიარული გამომიწერა,ნაწილმა ჩემი “გარყვნილი” და “ანტიეროვნული” აზროვნება გიგი თევზაძეს დააბრალა(მერე რა,რომ ილიას უნივერსიტეტის რექტორს ხშირად ვაკრიტიკებ და თ.ს.უ-ში ვსწავლობ?საქმე და მათი დამყაყებული აზროვნების “გაპრავება” ჩემს “ილიაუნელობას” მოითხოვდა) იყვნენ ისეთებიც,რომელთა მთავარი არგუმენტი ჩემ წინააღმდეგ ჩემი წარმომავლობა იყო და სულ “პროვინციელოს” ძახილით გააცალენ ჩემს Fრენდ ლისტს 🙂

ჩემ მიერ გატანჯულმა იუზერებმა არაფორმალური საზოგადოებაც კი ჩამოაყალიბეს,აწ უკვე ყოფილი Fრენდის გვერძე და საბოლოოდ განიზრახეს “ქვებით” ჩაქოლვა…

თვალში საცემი იყო მათი ასაკი, Рожденный в СССР(…)

ვიხილე გესლი,ბალღამი და სისინი ამას Facebook-სა შინა,რაც საბოლოდ იმით დასრულდა,რომ ბევრმა ხელიდან მახათი გააგდო და ჩემს კრიტიკას მოჰყვა(“თავისუფლების კანტორისა და “ილიაუნის” კატაკომბის მიერ მოწამლული ახალგაზრდა”)
უხაროდათ,ისევე როგორც 90წელს გადაცილებულ ჩემს მეზობელ ვენერა ბებოს უხარია სამტრედიის რაიონული ტელევიზიის პროგრამა,რომელიც მიცვალებულებს აცხადებს,სიამოვნებს ბებიას იმის გაგება,რომ მას ვიღაც სხვამ გაასწრო და ჯერჯერობით არც ერთი გადაცემა არ გამოუტოვებია(…)

თქვენც უსაქმოდ დარჩენილები FB-ზე ცდილობთ სილუვრის სარკე შექმნათ,რომელიც სასურველ რეალობას დაგანახებთ,თუ როგორ მარცხდებიან თქვენ მტრები,თქვენს აზრსა და შეხედულებებს კი ისევ ისე ითვალისწინებენ,როგორც ძია ლენინის დროს

საერთაშორისოს “ელიტაშკებს”

  • [ქართველები] მშვენიერს, “უცხოს” უწოდებდნენ, კარგ ქართულ თხილს – “ბერძნულს” ხოლო საუკეთესო ცერცვსაც – “ბერძნულს”.

შეიძლება ბევრმა თქვენგანმა გაიკვირვოს,სად გიორგი მეფის ანდერძი და სად საერთაშორისო ურთიერთობებიო,მაგრამ ისე არ არის როგორც ერთი შეხედვით ჩანს.
სიტყვა “საერთაშორისო” არაქართულად მოიაზრება,ამ შემთხვევაში ამერიკულად,რადგან გიორგი მეფის დროს არსებული ჰეგემონი საბარძნეთი,აშუშუმ ჩაანაცვლა,ყველაფერი არაქართული კი-იდეალურია.
ჩვენს ფაკულტეტზე არსებული სხვა დისციპლინებიც ბებერ ბოზ ევროპასა და “ძია სემის” ქვეყანაში ჩაისახნენ და განვითარდნენ,მაგრამ მათ სახელებში “საერთაშორისო” არ ურევია,აქ ხომ ყველაფერი ნათელია,ესე იგი “ს.უ.ელებს” ყველანაირი ულება აქვთ სხვა სპეციალობების სტუდენტებს ზემოდან უყურონ,მათი სპეციალობის დასახელებაში ხომ არაქართულის გამომხატველი სიტყვა ურევია.
სოციოლოგიის დეპარტამენტსაც რომ წინ “საერთაშორისო” ეწოდოს იქაც იგივე სიტუაცია იქნებოდა,აბა რისი ბრალია facebook-ზე მომრავლებული მსგავსი შინარსისი სტატუსები “საერთაშორისოს ხალხი-ყველაზე ელიტარული” ან კიდევ მთელი წლის განმავლობაში ენაზე რომ ეკერეთ:”ვაიმე იდეოლოგიები იმდენს გვაძლევს სამეცადინოს,თქვენ რაღა გიჭირთ,საერთაშორისოზე აღარ ხართ და სასწავლიც არ გაქვთ,” “ყველას საერთაშორისო უნდა,მაგრამ ვერ ქაჩავენ”(…)
არადა სიტუაცია ისე არ არის რგორც თქვენ გგონიათ,საერთაშორისო ურთიერთობების დეპარტამენტი ღრმა კრიზისშია,არ იციან სტუდენტებს რა ასწავლონ და ინგლისურ ენას,ნაცვლად ერთი წლისა,ორი კურსის განმავლობაში ასწავლიან(არა და ყველამ ვიცით უნივერსიტეტში უცხო ენას შესწავის ძალიან დაბალი დონეა)ასევე რამდენიმე ათ კრედიტიანი საგანი,როგორმე ხომ უნდა შეივსოს 240კრედიტი? “ს.უ.ელები,”რომ “ქართული ჟურნალისტიკის ისტორიის” მსგავსი მოცულობის მასალას სწავლობდეთ ალბათ 15 კრედიტს მოგცემდნენ,ჩვენ კი წესიერი აუდიტორიაც ვერ გამოგვიყვეს,აქაოდა “საერთაშორისო” არ გქვიათო(…)

ყველას წარმატებას გისურვებთ,მაგრამ ნუ გგონიათ ვახოს ლექციების მოსმენაზე ვოცნებობდეთ,ჩვენიც საკმარისად გვყავს,უფრო კომპედენტურები და თანაც შეხვედრისას მოსალმებაც იციან:P
არ მინდა ცუდად გამიგოთ,ჩემი პოსტი მხოლოდ სტუდენტთა რაღაც კატეგორიას ეძღვნება,მათთან ბევრჯერ მიკამათნია და საკუთარ თავსაც ადვილად ამოიცნობენ…

რაც შეეხება გესლს,ბალღამსა და სისინსა,(რომელიც მოცემული წერილის შემდეგ არ მომაკლდება)არ მანღვლებს,უკვე იმუნიტეტი მაქვს(…)